Ecouter la chronique (en français) :

Selaou ar gronikenn (e brezhoneg) :

Evit goût hiroc’h / Pour en savoir plus :

E-tal an tan

Sonenn

I

Me n’am eus morse redet

War-lerc’h arc’hant nag aour.

‘Skeud va labour ‘m eus bevet

Gant va zud ‘n o zi paour,

Hag hon-zri, ‘tal an tan,

Er goañv goude koan,

Gant marvailhoù ha kan,

Ni ‘ankouazhe hon foan.

II

Marvet eo va zud karet,

Pep eil gant ar gozhni.

Hag un deiz on ‘n em gavet

Va-unan ‘barzh va zi.

Ha va-un ‘tal an tan

Er goañv goude koan,

‘Lec’h kan n’eus met gouelvan

‘N em c’halon leun a doan.

III

Bloavezhioù am eus stourmet

Ouzh kleñved ha dispi ;

Dre m’on a-viskoazh douget

D’al labour, d’ar studi.

Met en noz ‘tal an tan,

Er goañv, goude koan,

Ouzh netra ne ran van :

Moredet en em poan.

IV

Met un deiz, « tra vurzhudus ! »,

Nijet eus Iwerzhon,

Heklev ho sonioù marzhus

A zihun va c’halon.

Ha bremañ ‘tal an tan,

Er goañv, goude koan,

Din va-unan m’o c’han

Da luskellat va foan.

angela duval

Dalc’h da vont ! Lien vers le mot suivant : Lutun